Пораз од Ренова во Тетово

  • 26.09.2021
  • ФК Брегалница
Фудбалерите на Брегалница го запишаа највисокиот свој пораз сезонава во Првата македонска фудбалска лига на гостувањето против Ренова во Тетово.

„Сините“ загубија од лидерот во шампионатот со 5-2, во отворен натпревар со серија погодоци. По почетното испитување на силите домашните поведоа со голот на Јусуфи во 22. минута. Но, по само три минути Марјан Алтипармаковски израмни на 1-1.

Сепак, до крајот на полувремето Ренова со уште два гола, на Селмани и на Шефити стигна до предност од 3-1.

Во второто полувреме Брегалница тргна нешто поагресивно во нападот, па во 53. минута капитенот Јован Манев намали на 3-2. Во продолжението домашните ја искористија отворената игра на „сините“, па преку брзи контранапади дојдоа до убедлива победа од 5-2 со головите на Илиески во 74. минута и на Мустафов во 90. минута.

ПМФЛ - 8.КОЛО
Ренова - БРЕГАЛНИЦА 5-2 (3-1)
Градски стадион во Тетово. Стрелци: Јусуфи 22', Селмани 33', Шефити 37', Илиески 74', Мустафов 90' (Р) - Алтипармаковски 25', Манев 53' (Б)